Duorsumens

Wat wy al dogge

By De Folks hearre duorsumens, maatskiplik ferantwurde ûndernimmen (MVO) en ekotoerisme echt by inoar. Wy kieze bewust foar lytsskalich toerisme, mei respekt foar de natuer en it eilân. Duorsumens hoecht net grut te wêzen om betsjuttingsfol te wêzen. Wy kieze altyd bewust: foar meubels mei in ferhaal, gjin fergriemerij en himmelguod dat freonlik is foar de natuer.

Fegetarysk en lokaal

By ús ytst in moarnsbrochje, middeisbrochje en jûnsiten sûnder fleis. Us koks tsjoene alle dagen farske en biologyske gerjochten op ’e tafel. Foar groepen dy’t graach fleis wolle kin dat yn oerlis. Nim dêrfoar kontakt mei ús op.

Wy wurkje ek gear mei lokale boeren, brouwers en houtbewurkers. Fan spesjaalbier út Harns oant tsiis fan Skylge: wat wy kinne, helje wy tichtby. Sa bliuwt der in libbene ferbining mei Skylge. Yn alles wat wy dogge, fernimst wêr'tst bist.

Plestik? Leaver net‍

Wy binne grutsk op ús eilân mei syn ûnoantaaste natuer, de Waadsee oan 'e iene kant en de Noardsee oan 'e oare. Dy natuer wolle wy mei ús allen beskermje. Dêrom wurkje wy hurd om in plestikfrije organisaasje te wurden. Sa servearje wy bygelyks al in folslein plestikfrij moarnsbrochje. En wy sette troch: minder plestik brûke en úteinlik it brûken hielendal ôfskaffe, sadat ek folgjende generaasjes fan dit plak genietsje kinne.

En wy binne noch lang net klear! De wrâld feroaret en wy bewege mei. Wy sykje troch nei manieren om ús foetôfdruk lytser te meitsjen.