Dit wykein nûgjeik dy út om dyn grinzen te ferkennen en te ferlizzen. It bewust wurden fan en ôftaasten fan dyn grinzen jout groeimooglikheden!

Yin yoga en Reset yoga binne tsjinhingers fan it hastige en mei tal fan prikkels lykop geande hjoeddeistige libben. Ast langere tiid yn Yin yoga hâldingen (fer)bliuwst, kin dy foarm fan yogabeoefening in meditatyf en rêstjouwend effekt hawwe. Ien fan de moaiste foardielen fan Yin yoga is de stilte dy't it bringe kin mar ek de ferbining mei dyn gefoel en dyn liif!

Mei de Reset yoga sessy giet it foaral om it lústerjen en fielen fan dyn eigen lichem, wylst we wurkje mei tagonklike, duorsume en fariabele fysike hâldingen. Sa learst op'e nij te ferbinen en dysels opnij te skriuwen en joust dysels mear krêft en frijheid!

Yin en resetyoga hat alles te krijen mei mindfulness. It wêzen yn it momint yn dyn lichem, de romte en dyn gefoel.

Neist it yogaprogramma is der in soad tiid foar de (begelate) kuiers. We lûke der alle dagen op út. Kuierje troch de bosken en dunen en lekker útwaaie op it strân! In besite oan it pittoreske West-Skylge mei de prachtige kuier oer it Griene Strân stiet ek op it programma.. Lit dy ferrasse troch de prachtige natuer en moaie kuiers op it eilân. Der is genôch romte foar yn- en ûntspanning. Hier in fyts en ferken Skylge op 'e fyts of boek op it plak sels in cranio sessy. Der is altyd tiid foar in goed petear of lûk dy just werom mei in boek. It tema fan it wykein is:alles mei en neat hoecht!

Jûns litte we ús kulinêr ferrasse! De koks fan 'e Folks soargje alle kearen wer foar smaaklike gerjochten.

‍

‍‍‍Kosten

De priis is ynklusyf oernachtingen mei moarnsiten, lunch en diner op in twapersoanskeameren alle yogalessen en begelate kuiers.

• Priis yogakuierwykein:         € 520,-

• Taslach ienpersoanskeamer:        € 105,-

‍

‍