Ek dit jier binne der yn de simmerfakânsje wer trije fantastyske Simmerkampen op De Folks!

Dy dagen binne fold mei ien en al plezier en moaie aktiviteiten. Fan speurtochten yn 'e bosken libben stratego yn 'e dunen oant bûnte jûn, disko en oeren lang kletse en kete.Swimme en spultsjes op it strân, 'jachtseizoen', lekker ite en gean sa mar troch.

Lykas faak heard fan eardere dielnimmers giest nei in wike wer nei hûs mei nije freonen en oantinkens foar it libben.

Op dizze Simmerkampen is de fiertaal Frysk. Fansels bist ek wolkom ast gjin Frysk praatst, mar om lekker meidwaan te kinnen helpt it wol ast de taal yn alle gefallen ferstiest.

‍

Begelieding

In entûsjaste ploech lieding makket der mei de kids in gesellige wike fan! De lieding fan 'e Simmerkampen bestiet út in entûsjaste en hechte ploech jongeren fan sawat 20 -25 jier âld. De measten fan harren diene doe't se jonger wiene sels ek mei oan dizze fantastyske simmerkampen. Dizze wike is de lieding yn hannen fan Lieke, Nynke, Marre-leen, Sanne, Nienke en Jurre.

Kosten

€ 435,-

De bern ferbliuwe dy wike op basis fan folpensjon: alle dagen lekker moarnsiten, middeis lunchpakketsje en jûnsiten fan ús kok!

‍

Foar fragen, mear ynformaasje of oanmelde, nim gerust kontakt mei ús op!